حسن الرداد يعد طفل "57357" بالتمثيل معه في مسلسله الجديد

0 تعليق ارسل لصديق نسخة للطباعة تبليغ

حسن الرداد يعد طفل "57357" بالتمثيل معه في مسلسله الجديد

12:42 م الأحد 01 أكتوبر 2017

الفنان حسن الرداد

القاهرة- مصراوي:

حقق الفنان حسن الرداد أمنية الطفل محمد محمود الذي كان يريد أن يراه، بعد أن ظهر في فيديو وهو يعبر عن حبه للرداد، ونشر الرداد الفيديو وعلق عليه "محمد، أنا مبسوط جدًا جدًا بالفيديو ده ومبسوط انك عاوز تشوفني، أنا كمان عايز أشوفك اكتر، انت ما شاء الله زي القمر وسلامتك ألف سلامة، إن شاء الله هتخف وهتبقى زي الحديد يا حبيبي" .

وحرص الرداد على تحقيق أمنية محمد، ونشرت الصفحة الرسمية لمستشفى 57357 عبر موقع التواصل الاجتماعي "فيسبوك"، صورًا من زيارة الرداد للطفل، مصحوبة بتعليق من الرداد، الذي قال "الطفل زي القمر وموهوب جدًا، ويدخل القلب على طول، وعلشان كده ان شاء الله محمد هيصور معانا المسلسل اللى بنصوره لرمضان 2018، وسعيد جدًا إني بزور 57357 لأول مرة، المستشفى على مستوى عالي مش حاسس إني فى مستشفى أبدًا، بشكر كل القائمين على هذا الصرح العظيم، والخدمة العظيمة المُقدمة للأطفال، وياريت كلنا نساعد أطفالنا، وبتمنى لمحمد حبيب قلبي وكل الأطفال الشفاء العاجل".

ونشرت الصفحة الرسمية للرداد على موقع "انستجرام"، صور تجمعه بالطفل من داخل المستشفى، وعلق عليها "انهاردة روحت مستشفى ٥٧٣٥٧، بعد ما كلمني صديق ماشفتوش من ٧ سنين اسمه خالد الشرقاوي، وقالي إن فيه طفل اسمه محمد، بيحبك جدا وعايز يشوفك والمناعة عنده ٣٠٠ فقط ( ودي طبعا قليلة جدا)، وبعت لي ڤيديو ولما رديت عليه بڤيديو المناعة عنده زادت لـ٣٥٠٠، والنهاردة المناعة بتاعته وصلت لـ٤٥٠٠ بعد ما الدكاترة كانوا بيقولوا كلام علميا عكس كدة، لما روحت وقابلته شفت ولد ما شاء الله زي القمر، ذكي جدا، فاهم فى حاجات كتير أكبر من سنه وبيحتوي اللي حواليه، دمه خفيف جدا وموهوب، لماح بشكل مش طبيعي، اتكلم معايا في حاجات كتيرة أنا مش عارف هو فاهم فيها إزاي، ما شاء الله عقله أكبر من سنه بكتير تحس إن عنده ٢٠ سنة واكتر".

وتابع الرداد "انا أتعلمت منه حاجات كتير النهاردة، اتعلمت الإيمان والصبر على الابتلاء ومواجهة المشاكل بالابتسامة والرضا الشديد بقضاء ربنا والطاقة الإيجابية اللي بيديها لكل اللي حواليه، اللي كان مزعله بس ان الأطفال في المدرسة لما عرفوا إنه تعبان كانوا بيتريقوا عليه فياريت الأهالي يفهموا أطفالهم إن دي قلة أدب".

يُذكر أن الفنان حسن الرداد انضم مؤخرًا لفريق عمل فيلم "كارما"، الذي يعود به المخرج خالد يوسف لعالم السينما، بعد فترة غياب امتدت لـ6 سنوات.

إعلان

الأخبار المتعلقة

  • غادة عبد الرازق تحتفل "بعيد ميلاد" خالد يوسف بطريقتها الخاصة

    فنون
  • أبطال "كارما" يحتفلون بعيد ميلاد خالد يوسف

    فنون
  • سامي مغاوري يكشف لمصراوي الأسباب الحقيقة لاستقالته من "المهن التمثيلية"

    فنون
  • أحمد مجاهد يكشف عن نتيجة عينة الورم المستأصل من زوجته

    فنون

إعلان

0e786fa328.jpg

إعلان

أخبار ذات صلة

0 تعليق